網紅的藏寶箱0224 - 0225 #宇宙船 #扭蛋劇場 忍者戰隊
A: 我想問呢，因為我都開始唔夠打啦……咁我想問下次有嘢要打呢，基地方面係咪可以幫幫手，俾合體機械人嚟洗下呢？
B: 可以嘅，因為其實係預咗budget出嚟俾你地大合體嘅，等緊審批啫，我地會行五機合體，分段進行。
A: 點為之五機合體，分段進行呢？
B: 五機合體呢，我地會分開五個月去派五部機體出嚟啦，每個月有一部。
A: 咁我地咪合體唔到囉。
B: 你地係可以合體嘅，但係逐部去合囉。
B: 即係你都係合體mode嚟㗎嘛，你其他組件未到齊喳嘛。
A: 咁我嗰部合體係咩組件呀？
B: 粉紅戰士呀？睇下先……
A: 你係個頭盔。
B: 即係一個頭hea喺地下咁呀？
A: 唔係頭，頭係紅戰士嘅，你係頭盔啫。
B: 咁我點攻擊呢？
A: 你唔攻擊㗎，每個戰士有自己專屬技能㗎嘛，你剩係防守囉。
B: 剩係防守……
A: 係呀，你護住個頭囉。
B: 但係我未有頭喎。
A: 下個月有喇……但係你今個月要用晒哩部機先。
B: 點為之用晒呀？
A: 用爛囉。
B: 如果用唔爛呢？
A: 基地會收返你部機囉，基地㗎嘛。
A: 咁我地咪一世都用唔到大合體？
B: 都話唔係咯，你地係合體mode嚟㗎嘛！
A: 我剩係防守，又唔攻擊得，咁都係輸㗎啦！
B: 你俾啲信心啦，打輸就要換人㗎啦，失業㗎啦，不過都唔洗擔心，失業我地組織有失業貸款……
A: 會唔會淋我紅油㗎？
B: 你粉紅戰士，應該唔會紅油嘅。
Search